كتاب معجم أسر بريدة

(باب الجيم) - الجديعي - عرائس الشعر - ج: 3 - ص: 268

قلت:

اجل انكس بك لغرفة التجاره ... اللي حموا اهل البلد بالشطاره

ويخوفون الخلق عند الخساره ... ما مثلها حيث ان اهلها عزيزين

قالت:

غرفة التجاره ما بهم خير يا فلان ... الكل منهم دايم وهو كسلان

نصف البلد ما يكلمونه علشان ... هذا رفيق له وهذولا صديقين

قلت:

ضيقتي صدري وانا ودي ارتاح ... هيا معي تخيري لك بفلاح

عنده نفاه وعنده الهم ينزاح ... خليك بالبستان دايم تحومين

قالت:

راع الشقا ما ينقرب حول بيته ... اليا بغيت تدوره ما لقيته

دايم بروس ودايم في قتيته ... لي جا من شغيله ولا ما يبي شين

قلت:

وش لون شغلك والتعب معك ما فاد ... ضيقتي صدري ثم عفتي الاجواد